Gaurko eguraldia

HEGO HAIZE ZAKARREZ, NAHASITIK

Goizean goizetik hasita, hodeiek zerua estalirik edukiko dute eta euri giroa nagusituko da, gehienbat hegoaldean. Bertan egun osoan zaparrada batzuk botako ditu, batik bat goiz erditik aurrera emango direnak. Tarteka mardul botako du, uneren batean ekaitzak jotzea baztertu gabe. Ipar partean, aldiz, gutxiago bustiko du, bereziki kostaldean. Hego haizeak indartsu joko du. Tenperaturek koska bat gora egingo dute, batez ere ipar partean.

Bihar

Beste egun batez jarraian, goizean goizetik hasita, hodeiak nagusi izango dira eta euri giroa nagusituko da. Zaparradak lurralde osoan emango dira, baina gehienbat hego isurian botako ditu, puntualki mardul xamarrak izatea baztertu gabe. Ipar isurian euri gutxi izango da. Arratsaldean euria gutxitzen joango da pixkanaka, bereziki ipar partean. Gauean berriz ere euritara joko du. Hego haizea oso zakar ibiliko da. Tenperaturak antzeko balioetan mugituko dira.